Banksy - 英國街頭藝術家

Banksy 是一個英國的"塗鴉"藝術家, 他反戰, 反權威, 崇尚人權, 愛好和平... 不過目無法紀(隨處塗鴉可是犯法的東西, 大家不要亂學. 欣賞塗鴉則沒問題 :P). 不單英國街頭會出現他的"墨寶", 連以色列, 法國 甚至倫敦國家藝術館裡 (他自己偷偷放入) 也能看到他的作品.

他其中最為人津津樂道的系列是數幅塗在 "以巴圍牆" 上的作品 (註: 2), 目的都是宣示反對以色列建圍牆及反戰的意想. 至於對他人指他 "破壞" 圍牆的指責, 他則認為 "How illegal is it to vandalize a wall, if the wall itself has been deemed unlawful by the International Court of Justice?"

本來都是在做著不見得光的勾當 (畫的時候不見得光), 想不到竟有人想出高價買他的 "塗鴉". 不過看看我們香港已故的 "塗鴉宗師" 九龍皇帝, 寫的大字不也一樣有商業價值嗎？

Banksy's 作品:

 
大象也無力負起戰爭的沉重

令人心情愉快的 "雙黃線"

唱著"盧冠庭 - 天鳥"的小女孩... "呀吓~ 我要飛往天上...."
 
"Prison Break" for kids

Reference

1. http://www.banksy.co.uk/
2. Banksy - PALESTINIAN JOB 以巴圍牆塗鴉

敗家癮之回歸....

星期三同阿強佢地去左圓方Element 睇 Iron Man. 其實我之前已經0向 NBA 度見到佢既廣告, 去左official site 度睇 gallery 都頗為期待. 基本上而家我會入戲院睇既戲, 一係就係大製作大場面+特技, 另外就係我認為值得支持既港產片 (例如 "無當變幻時", "門徒" 同埋 "投名狀"). 而要睇 Iron Man, 當然要入戲院睇啦~

睇完之後覺得絕對值回票價, 特技交足功課 (我覺得逼真過 "Transformer" 好多, 雖然無咁靚), 而且成套戲都有笑料, 算係一個驚喜既地方! 至方劇情方面, 都預左唔會好有深度, 畢竟係改篇自美式英雄漫畫, d角色都係大忠大奸, 頂多出個一睇就知係奸扮忠既角色. 不過套戲一開始十分大美國主義 (d角色死都要死0向國旗旁邊.....), 之後其實都不時暗串美國賣軍火, 亦有反戰意識, 都算有教育意義ge~

五一放假就出街勞動左成日, 晨早起身出去彩虹道打室內場. 大家都打得唔錯, 四場贏左三場~ 哈哈~ 我個人都每場有得分有籃板, 之後仲送出一個 block shot 同一次 fast break 添, yeah! 其實不嬲都唔識打全場, 無論係防守進攻都唔知想點咁, 又覺得進攻時好難, paint 位人馬疊疊. 今次得阿強提醒要點, 開始比較掌握到進攻方式.

打完波就去左黃埔篤波, 篤左兩個鐘到就去左旺角join 埋 Ann 同 Emily 去第尾食飯. 由於做左大量運動 (全場比 3 on 3 更攰... ) + 無乜坐過既關係, 果晚胃口超好, 我都係第一次食完第尾既什扒餐+兩個雪糕後唔會有頂到上心口既感覺.

去得旺角難免又會上 shooting 5 睇波衫, 呢排睇中左 Josh Smith, 想買作客深籃色果件. (呢排鷹隊實在太勁~) 另外又想買過對波鞋, 因為而家呢對個低已經蝕左好多. 心目中想買 Dwight Howard 既 TS Lightspeed Howard. 睇黎又係一輸敗家既開始....